الفنان محمد سلام يلغي مشاركته بموسم الرياض احترامًا لغـ..ـزة.. تحية وتقدير
.webp "الممثل محمد سلام يلغي المشاركه بموسم الرياض")
- من ساعات، نشر الممثل محمد سلام، بيعلن عدم المشاركة في مسرحيته بموسم الرياض في السعودية، احترامًا للشـ..ـهداء في غـ..ـزة، وقال: "مش هقدر أضحك الناس واخواتنا بيموتوا".
- الفنان المصري قال في الفيديو، إنه انتظر لحد آخر لحظة، يمكن القائمين على المهرجان يعلنوا تأجيله أو وقفه زي ما حصل مع مهرجانات سينمائية في مصر، أو على أمل إن الأحداث في غـ..ـزة تهدأ، لكن دا محصلش، لذلك قرر إنه مش هيسافر، وكمل كلامه: "التمثيل دا أكل عيشي لكن لو مسافرتش هل هموت من الجوع؟ بالتأكيد لا".
- الحقيقة موقف نبيل جداً من الممثل محمد سلام، بنشيد بيه، وبنشكره عليه، خصوصًا وإن القرار دا فيه دول مخدتهوش.
- بنشوف دا موقف شجاع ومهم، في وقت مخافش من إن الجهات العربية اللي بتسيطر على الإنتاج الفني في الوقت الحالي، وبتنتج جزء كبير من الأعمال في الدول العربية وأولها مصر، تدفعه تمن موقفه في جزء كبير من شغله في المستقبل، خاصة وإنه التجارب السابقة كلها في المساحة دي مش مبشرة أوي.
- دايمًا المواقف النبيلة والمحترمة بيعملها أصحابها مش طمعًا في شئ غير إرضاءً لضميرهم، ومش مزايدة على حد أبدا، لأن دا خيار فردي تمامًا من حق كل حد ياخده أو لا.
- دايمًا بنشوف الشجاعة معدية، والاستعداد لدفع الأتمان في سبيل موقف صادق شيء نبيل جداً.
- مرة ثانية بنشكر الفنان محمد سلام على موقفه وبندعمه فيه، وبنجدد تضامننا مع الأشقاء، دايمًا المصريين معاكوا وفي ضهركوا، ونتمنى الشدة تزول في أقرب وقت.
..والحقيقة إن الفنان مش بالادوار اللي يعملها ..يعني مش واحد بتاع اكشن ويطلع ٧٠ راجل في قلب مسلسل..ويضرب الممثلين بالايد والرجل ..مش شرط يطلع راجل في الحقيقة ..
الفنان محمد سلام كله اللي بيعمله كوميدي ..وخفيف والناس العادية شايفاه سطحي ..وده مش مقياس ..
سلام كان متعاقد على مسرحية في السعودية بموسم الرياض هتتعرض يوم ٣٠ اكتوبر ..والراجل توقع زي الناس إنهم هيلغوا وكده .. لكن اللي حصل إن المسرحية متأجلتش ..
سبب رفض الفنان محمد سلام المشاركه بموسم الرياض
المهم قرر مايروحش واعتذر عن المسرحية ..وقال مينفعش أغني وأرقص واخواتي في غزة بيموتوا ..
شكراً يا سلام ..شكراً لانه لسه فيه ناس عندها دم وبتحس..شكراً لإنه لسه فيه رجالة بجد ..
السؤال من ناحية تانية ..كان فنان كان متعاقد ..وهيسافر ..وهيرقص ويغنى واخواتنا بيموتوا في غزة ؟!
أخر دقيقة من فيديو الفنان المحترم محمد سلَّام اللي بيعتذر فيه عن مشاركته في مسرحيته اللي من بطولته في السعودية بعتبرها أهم جزء ويستحق يتقص ويتبروز.
محمد سلام افترض سؤالين هجوميين هيجوله على موقفه
السؤال الافتراضي الأول: ان صحابه الفنانين نصحوه انه يسافر عشان ده أكل عيشه، وسلام بيعترف بإن التمثيل مصدره الوحيد للدخل له ولعياله، لكنه بيجاوب: انه لو ما سافرش مش هيموت من الجوع، لكن الناس اللي في غزة هي اللي بتموت.
السؤال الافتراضي التاني: ان الفن رسالة، وإن إضحاك الناس عليه أجر، لكن محمد سلام بيسأل سؤال استنكاري في باطنه الإجابة: مين اللي المفروض ندخل عليه البهجة دلوقتي؟
سؤالين بيجاوب عليه محمد بيوضحوا ان قراراتك مبنية على
"المرء على دين خليله فلينظر أحدكم من يخالل"
"من لم يهتم بأمر المسلمين فليس منهم"
"ومن ترك شيئا لله عوضه الله بخير منه"
الفنان محمد سلام عبر إنستجرام:
من فترة مش عارف أعمل أيه أسافر موسم الرياض وأحضر المسرحية! كنت قاعد مع أصدقاء فنانين قالولي سافر لأن دا شغلك وأكل عيشك، وفعلا التمثيل هو أكل عيشي وعيش أولادي، بس هل لو مسفرتش همــ. وت من الجوع؟ أكيد لأ.. بس الناس هي اللي بتموت في غــ. زة، في ناس هتهاجمي وتقول أصلا الفن رسالة وانك تدخل البهجه على قلب مؤمن لك أجر دا أكيد ودا شئ كويس، بس السؤال هو مين اللي محتاجين ندخل البهجه على قلبه دلوقتي؟ شكراً..
تعليقات
إرسال تعليق